Hainbat urtetan zehar, nekazaritza eta abeltzaintza Antzin eta Mendilibarriko ekonomiaren oinarriak izan dira. Egun, industria dela eta, jarduera tradizionalak alde batera uzten ari dira biztanleak, eta hori gertatzea, duela gutxi Antzinen 25.000 metro kuadroko industrialdea (bertan hainbat negozio daude, esaterako zerrategi bat edo eraikuntza enpresak) eraikitzeko ekimenaren antzeko ekimenek bultzatzen dute.
 
Abeltzaintzak, oraindik ere, garrantzi handia du: laborantza gehienak lehorrekoak dira, batez ere, garia eta garagarra; Ega ibaiaren ertzetan patata, tabakoa eta barazkiak bezalako ureztatuko laborantzak daude, ordea. Hein txikiagoan bada ere, abeltzaintzak ere badu nolabaiteko presentzia Antzin eta Mendilibarrin, txerri haztegiak aurki ditzakegu eta.
 
Herri horietan ere ez dira faltan sumatzen zerbitzu-enpresak: saltokiak, ostalaritza establezimenduak edo gasolindegi batek herriko egoera ekonomikoa osatzen dute.